Ëmweltbüro Naturga.art
Botanesche Monitoring an ekologesch Gäert
Ëmweltbüro Naturga.art
Den Ëmweltbüro Naturga.art ass däi kompetenten Uspriechpartner fir d’Planung an Ëmsetzung vun ekologesche Gäert an personaliséierten Atelieren a Berodung ronderëm de Gaart fir Privatleit an Institutiounen. Vum Héichbeet iwwert de Kichegaart bis zum Gemeinschaftsgaart si mir do fir dech ze ënnerstëtzen.
Naturga.art ass ausserdeem däin zouverlässegen Ëmweltbüro a Saache Vegetatiounskartéierungen a -monitoring.
Gäert | Planung Ëmsetzung a Suivi
Zesumme plange mir däi Gaart a berücksichtegen dobäi esouwuel deng Uspréch ewéi och d’Ëmwelt. Dëst kann en Héichbeet sinn, en Erhuelungsgaart oder e Geméisgaart. Oft bréngt e Gaart verschidden Aspekter zesummen. Esou kann de Gaart zum Beispill Uebst a Geméis produzéieren, eng Oas fir Villercher an Insekte sinn, an eng Plaz fir Réckzuch an Erhuelung bidden. Der Kreativitéit sinn an engem Gaart keng Grenze gesat.
Mir setze Projete fir Privatleit, Gemengen a Schoulen em.
Däi Projet mat Naturga.art
Mir hëllefen der bei der Planung an Ëmsetzung vun dengem Gaart. Du kanns den Job entweder eis iwwerloossen oder eng Hand mat upaken. Zil ass, dass du däi Gaart herno selbstänneg kanns féieren.
Mir bidden och e Suivi un, wou mer dech wärend der Entwécklungsphase ënnerstëtzen.
Däin Naturgaart
ass ugepasst un deng Bedürfnisser
passt sech un däin Alldag un
ass eng Beräicherung fir deng Kichen
fërdert deng Gesondheet
produzéiert dat wats du konsuméiers
fërdert Biodiversitéit
ass eng Plaz fir Erhuelung
schaaft e positiivt Mikroklima
ass eng Plaz vu Verwierklechung a Kreativitéit
Gemeinsam Planung an Ëmsetzung
Zesummen maache mer en Design fir däi Gaart
Den éischte Schrëtt ass e Gespréich, bei deem mer kucke wat däin Usproch ass, a wat praktesch machbar ass.
Op dëser Basis proposéiere mir dir en éischten Entworf, dee mir zesumme finaliséieren.
Dono geet et un d’Ëmsetzung: Buedemaarbechten, Beem a Sträicher planzen, Beeter uleeën an Infrastruktur opriichten. D’Schrëtter hei sinn vu Projet zu Projet ënnerschidlech.
Weider Servicer ronderem de Gaart
Planung, Ëmsetzung a Suivi vu Gemeinschaftsgäert fir Gemengen a Schoulen.
Mir bidden Héichbeeter op Mooss un. Je no Bedarf vun der Planung bis zur Ëmsetzung mat Beplanzung.
Bau vu klenger Gaardeninfrastruktur am Holz ewéi: iwwerdagten Kompostkëschten, Komposttoiletten, Virzuuchtkëschten an Zären.
Bau vu naturnoe Klotueren.
Uebstbaamschnëtt.
Installatioun vun Näschter fir Insekten a Villercher.
Iwwert de Büro Naturga.art
Den Emweltbüro Naturga.art ass d’Resultat vun enger laanger Passioun fir d’Natur an de Gaart. Hannert dësem jonke Betrib steet de Jean-Marc Parries:
“Meng Passioun ass et d’Villfalt vun eiser natierlecher Ëmwelt ze erhalen, an am Siidlungsberäich Plazen ze schafe wou de Mënsch an d’Natur sech kënne begéinen an interagéieren.
2015 hunn ech de Krautgaart, e solidaresche Geméisbaubetrieb, matgegrënnt. Wärend 7 Joer hunn ech esouwuel an der Betribsleedung wéi och um Terrain geschafft. Bei der Planung an Ëmsetzung vun naturnoe Gäert, Gemeinschaftsgäert, Bongerten oder änleche Projeten, kann ech hei op meng Erfahrungen aus der Praxis zeréckgräifen.
Mäi wëssenschaftlechen Hannergrond erlaabt mer zudeem unhand vu wichtegen Ëmweltfaktoren wéi Buedem, Vegetatioun, Mikroklima an anere Variabelen zesumme mat ären Uspréch di bescht Viraussetzungen fir de Succès vun ärem Projet ze schafen.
De Gaart passionéiert mech mat all sengen Elementer an der direkter Verbindung zu dem wat mer iessen an wéi mer Liewen.“
Wann der iech entscheet mam Büro Naturga.art zesummenzeschaffen, kënnt der iech also op e passionéierten Dialog freeën an deem mir gemeinsam däi Projet auschaffen an ëmsetzen.
Servicer am Beräich Monitoring
Botanesch Kartéierungen a Monitoring.
Erstellung vun digitale Kaarten am GIS.
Moßgeschneidert Feldapplikatiounen (fir Windows, Android an IOS) fir eegestänneg Erhiewung vun Donneeen am Feld.
Erstellung vun Kadaster vun Gréngflächen an Elementer (Beem, Maueren, Fassadebegréngung, Hecken etc. ..) mat professioneller Fotodokumentatioun.
Kontakt
Wann dir un enger Zesummenaarbecht interesséiert sidd, da schreiwt eis direkt un:
oder ruft un
+352 661 40 24 14